ВИРЬ ЧИРЕСЭ НА ОПУШКЕ ЛЕСА

Вирь чиресэ эрзянь цёрась пенгть кери,

Вирь крайнеса мокшонь алясь пенгть лазны.

Весть вачкоди эрзянь цёрась, кавксть варшты,

Кавксть вачкоди макшонь алясь, колм(о)ксть варшты.

Вармавтомо чувтынетне чикоргадсть,

Тумотнестэ лопинетне соракадсть,

Росавтомо тикшинетне нуваргадсть,

Пизем(ев)теме ашо пельтне равокшадсть.

Видев варштась мокшонь алясь-губант сыть,

Кершев варштась эрзянь цёрась-ногайть сыть.

Вай, козонь сон, мокшонь алясь, кекшекшнесь?

Вай, козонь сон, эрзянь цёрась, кекшекшнесь?

А васоло цёранть эйстэ сэдь ульнесь.

Сэдненть алов мокшонь алясь совакшнось,

Сэдненть  алов эрзянь цёрась кекшекшнесь.

Весемензэ мокшонь алясь кекшинзе,

Пол пенезэ эрзянь цёранть эзь кекшев.

Весе губант мокшонь алянть ютакшнызь,

Ансяк кадовсь сыре ногай удалов,

Мекев кадовсь мезень-бути кисэ сон.

Ниле сельме те губанонть пинезэ,

Сыре верблюд те ногаенть ракшазо.

Ниле сельмсэсь эрзянь цёранть неизе,

Сумань полдонть эрзянь цёранть кундызе,

Сэденть алдо мокшонь алянть таргизе.

Те ногаесь мокшонь алянть кундызе,

Верблюдонть троке эрзянь цёранть каизе,

Верек шнасо мокшонь алянть сюлмизе,

Кудов-кавов эрзянь цёранть туизе.

- Вай, листтяя,  губан  ава,  листтяя,

Тонеть туинь, ногай ава, урине,

Анок шлявкске, губан ава, нардавкске,

Сура ямкскень, ногай ава, кондямо.

Кавалалдо губан  авась кундызе,

Кудов-кавов эрзянь цёранть ветизе.

Мезень тевнес сонзэ минь кармавтсынек?

Мезень тевнес сонзэ минь аравтсынек?


Чить вановтан мон кедьстэнзэ стадыне,

Веть вановтан мон кедьстэнзэ тякине.

- Улю-балю, губан эйде, балюлю,

Тюлю-балю, ногай эйде, балюлю!

Мон пря пелев, губан эйде, люкштядтян

Прясо превнес, ногай эйде, совамга.

Пильге вийнес, ногай эйде, совамга.

А родниненть, губан эйде, содышкат,

А раськинеть, ногай эйде, содышкат.

Кудов-кавов губан авась совакшнось,

Ваксозонзо мокшонь алянть озакшнось.

- Вай, костонят, эрзянь цёра, костонят?

Кинь масторонь, мокшонь аля, чачомат?

- Монь чачомам, губан ава, тенть мезекс?

Карг(о)   масторонь, ногай ава, чачомам.

- Тетять лемесь, мокшонь аля, коданя?

- Тетькань лемесь, ногай ава, тенть мезекс?

- Тетькань лемесь, губан ава, Пиянза.

- Авкать лемесь, эрзянь цёра, коданя?

- Авкань лемесь, ногай ава, тенть мезекс?

Авкань лемесь, губан ава, Миянза.

- Эсеть леметь, мокшонь аля, коданя?

- Эсень лемем, ногай ава, тенть мезекс?

Эсень лемем, губан ава, Паксине.

- Патькать лемесь, эрзянь цёра, коданя?

- Патькань лемесь, ногай  ава, тенть мезекс?

Патькань лемесь, губан ава, Уняша.

- Вай, ялакскекс сават монень, Паксине,

Вай, дугинекс сават монень, од цёра!

Кодат мельнеть минь, Паксине, арсетян?

Кодамо превс минь, Паксине, кундатан?

Минь маштсынек, мокшонь, аля, ногаенть,

Эсь масторов, эрзянь цёра, оргодтян.

 
 
27.05.2018
 О стремительной деградации образования и не только
16.05.2018
 Тормозные колодки развития
13.05.2018
 ПИСЬМО ОТ УЧАСТНИКОВ ЭРЗЯНЬ КЕЛЕНЬ ЧИ
31.03.2018
  Размышления об извечном. Часть III
25.03.2018
  Размышления об извечном. Часть II

<<   июнь 2018    >>
Пн Вт Ср Чт Пт Сб Вс
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter