Семеричка карть.

Панкра дедам кодась карть,

Семеричка сынст лемест.

Ботинкадо шождынеть,

Одирьвадо мазыйнеть.

 

Эх, карть, эрзянь карть,

Семеричка карть.

Сон мазыйстэ кодынзе,

Пильгезынзэ карсиньзе,

Цела ие кантлинзе

Ды Марянень максынзе.

 

Марья  якась роботамо,

И пивсэме и сокамо,

Сон киштесь и морась,

Омбо велева якась –

Теке эзть каладт!

 

Марянь мольсь мелезэ:

Пирьудалов ёртынзе.

Тува ютась Хома атя,

Пильгезынзэ карсинзе.

 

Хомань кедсэ удось Марфа,

Картнень тосто салынзе.

Пильгезэнзэ карсинзе,

Хомань кепе кадызе.

 

Марфа якась эрьва кува:

И вирьга и лугава.

Якась пештес, якась пангс

Ды калинас-малинас.

Теке эзть каладт!

 

Марфа юкснесь кустембес,

Картнень тосо стувтынзе,

Дрига ютась рыбачамо-

Пильгезэнзэ карсинзе.

 

Дрига озась лей чирентень,

Ульманть ёртызе ведентень,

Учи тосто кал.

Калось ульманть ноцкавтызе,

Дригань ведентень правтызе-

Картне весе начксть.

 

Кудов начксто Дрига сась,

Картнень пецькас ёртынзе.

Олда пецьканть уштызе,

картнень тоско стувтынзе.

Палсть!

Серафима Люлякина.

 
 
27.05.2018
 О стремительной деградации образования и не только
16.05.2018
 Тормозные колодки развития
13.05.2018
 ПИСЬМО ОТ УЧАСТНИКОВ ЭРЗЯНЬ КЕЛЕНЬ ЧИ
31.03.2018
  Размышления об извечном. Часть III
25.03.2018
  Размышления об извечном. Часть II

<<   июнь 2018    >>
Пн Вт Ср Чт Пт Сб Вс
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter