ИСТОРИЯНЬ ГАРЯЧКА ...

ИСТОРИЯНЬ ГАРЯЧКА ...

Дуняшин Алек (1930): "Пидси палакст" киниганть эйстэ вейке сёрмадовкс (85-90)

Москов ? ошось покш.

Московонь ульцятне кичкереть, мерят, шайтян мендьшинзе. Московсо ламо ломанть эрить. Эрьва кодат. Сюпавт и нищейть, виде ойметь и маньшицят, превейть и дуракт.

Улить пек превейть. Тонавтозь.

Московсо улить эрзяткак. Эрьва кодат. Улить учонойтькак.

? Мезть кортат? !

? Виде паро!

? Иля кенгеле!

? Сак вана...

* * *

Нать, Московсо виде-паро улить тонавтозь эрзят?

? Сядоксть, нать, теть ёвтамс?..

? Кемдян. Мезть тейнить?

? Роботыть?

? Кодамо роботаст?

? Сёрмадыть...

? Мезть яла сёрмадыть?

?????? ?

Аламнэ «шайтянонь чародонть».

? Эй, кооператор!

? Мезе теть эряви?

? Товартнэнь лангс питнетнень алкалгавтынк?

? Умок уш!

? Колбаса фунтонть зняро питнезэ?

? Кодкемень трёшник.

? Мекс пек питней? !

? Мень питней?

? Косо жо питнень алкалгавтомась? !

? Мень питнень алкалгавтома? ??

* * *

? Эрзятне умок появасть масторонть лангс?

? А повнявияк зярдо!

? Историяст ули?

? Рузтнэ мерить «история богата!»

? Кияк сёрмады эйсэнзэ?

? Мезенть?

? Историянть...

? Мезть лабордат? !

* * *

? Монь койсэ, народонть прятне потмсо «светопреставления» кармась сыргамо...

? Мекс истя?

? Ды мезе, натой, весе кармасть сёрмадомо...

? Мезть яла сёрмадыть?

? Содазь мезть: конат история, конат ? словарь, конат ? граматика. Прок, ай, стенас кснавт чавить!

? Кадык сёрмадыть, коли кедест кинетить.

? Монгак истя мерян: кадык сёрмадыть. Паряк ? оймить колияк...

Пеле масторось эрзя-мокшонь, эли Самаронь историктне.

? Шайтян, тон мезеяк а содат.

? А содан, стака давол саензат! Мезть ёвтат?

? Од кулят течи маринь.

? Мазыть?

? Преветькак чаракадыть!

? Мезть онгсят?!

? Кедень-пильгень коськест!

? Ёвтнить седе курок!

? Самарс появасть историкт...

? А кемеват мекс-бути.

? Сельмень лисест, бути маньшан!

? Кить истя не ломантне?

? Колмо эйстэст: вейкесь сыре, омбоцесь ? седе од, колмоцесь пек однэ оштё. Превейть ломантне!

? Парсте сёрмадыть?

? Да. Курок дивадо пештясамизь... ? Мейсэ?

? Вана мейсэ: вейкесь корты: Макар Евсеевичнэнь историясь а сёрмадови. Сонзэ арась «марксической мировозрениязо». Истя вана эряви сёрмадомс историянть:

«Тула ошонть сроизь эрзят. Тула ? эрзянь валось. Киев ошонтькак эрзят сроизь. Киев ? эрзякс гуй. Саратовгак эрзянь. Саратов ? сюронь тов, эрзянь валт. Харьков ? эрзянь. Карень ков, эли лиякс, ковось прок карь. Эрзянь вал. Эстониясояк эрзят ульнесть. Столицасть лемезэ Ревель. Те эрзянь валсто ? реве. Китайсэяк эрзят ульнесть. Столицаст лемезэ Пекин. Эрзянь валось ? пеке.. И оштё ламо кой-мезть кортась историкесь...

? Ха-ха-ха-ха! О-хо-хо-хо!

? Мезть ракат! Нать берянть историктне?

Весе масторось эрзя-мокшонь, эли «Пенза рекорд сайсь».

? Не вана кулят тык кулят!

? Таго, натой, историядонть?

? Эно мезде! Эряви сёрмадомс!

? Ки таго «сёрмадыцясь?»

? Пензань историк. Те вана ломань! Пря макссь тензэ пазось!

? Удемев, мерят, прязо?

? Натой Соломононь прядонть вадря. Соломононь прясь те историкенть пря черьдензэяк а ашти.

? Мезть сон сёрмады?

? Парт штукатнень ёвтни: весе светэнть кундызе.

? Ну!!?

? Вот теть ? ну! Весе светэсь лиссь эрзя-мокшосто. Кунсолок кодамо научной «истинасо» пакштяди историянть:

? Лондон ? лондадсь. Токио ? токия. Париж ? паризе (банясо эли локшосо паризе). Варшава ? вор чави. Бухарест ? бука ресты, Амстердам ? амсордамс (каподемс). Америка ? мерика (мерик, ёвтык). Коканд ? кокадемс (вачкодемс).

? Сатыть, некетькак сатыть! Пекем сезевтьсак! Куловтсамак раказь!

? Ават эзь куло, тонгак а кулат!.. Корея ? карыя, сокария. Япония ? поныя (лошконть эли пиксэнть). Кантон ? кандт тон, (ловсо эли лия). Мукден ? мук тон, мезеяк мук. Монголия ? мон колыя. Норвегия ? норовия (годия). Сербия ? эрбия (вачкодия). Испания ? пания (ломаненть пания).

? Саты, идемевсь! Лоткавтык гуень келеть. Жалить сюлон-пекень.

? Ней кемат, што весе светэсь лиссь эрзя-мокшосто? Вадря историясь? Тон кода арьсят?

? Вадря, вадря, ансяк лоткак ёвтнемадо!

? Ней куть лоткак, куть иля...

? Мекс?

? Секс самай: истят «исторической даннойть» печатазь газетсэ. Сынст эйсэ ловныть эрзя-мокшотне.

? Косо печатызь?

? Содазь косо. Пензасо, газетэнть лемезэ «Од веле».

? Кодамо... ломань печатызе?

? Муевсть истят мудрецт.

Остатка вал, эли «сон всех давиш».

? Шумбра чи!

? Тонтькак се песэнть!

? Тевтне яла молить...

? Мень тевть?

? Историянь тевтне.

? Тон таго историянть? Листь кудостонть.

? Загодь иля причавкшно, кунсолок васня, мезть ёвтан...

? Курготкак иляк автне! Пилень потомдасынь.

? Историянть курок печатамонзо кармить.

? Пензаньсенть?

Вейке ломань сёрмадсь виде-паронь история.

? Кода ломаненть лемезэ?

? «Всех давиш!

? Мекс истямо?

? Ули вейке ёвкскэ: паксясо аштесь куло алашань пря. Потмозонзо эрямо совасть чеерь, криса, нумоло, ривезь ды верьгиз. Мейле мольсь овто. Сонзэ кевкстизь:

? Тон кият?

? Я вас всех давиш! ? мерсь овтось. Озась сон алашань прянть лангс и весе зьвертнень лепштинзе.

? Чаркодинь.

? Мелезэнь паро! Мон арьсинь преветь сыре грацень...

Теде мейле ? весе.

Пенза ошось берянь. Рудазось пек ламо эйсэнзэ.

? Сень кис Самар ошось мазы: Рав чиресэ сроязь.

? Пензань перька ламо мокшот эрить.

? Самаронь перька ? эрзят.

? Пензасо ули историк.

? Самарсо ? колмо.

? Московсояк улить...

? Сынст лемест сёрмадсызь историяс?

? Сёрмадсызь.

? Кодамо буквасо?

? ??????

? Ломантнень мейсь мурнить-сёвныть?

? Берянь тевень кис.

? Эрзянь-мокшонь научной ды литературной роботниктне мезень кис мурнемкат?

? Ламонь кис. Сынь вейкест-вейкест а содыть. Роботыть башка-башка. Ютксост арась связь. Эрьвейкесь омбоценть лови шожда превекс. Вейсэ-лувсо, ве превсэ и ве мельсэ кияк а роботы. Тестэ и лисить весе апаро таркатне:

Вейке сеери: «Ваян материал потмс», ? но тев арась меньгак. Омбоце роботы тия-тува пурназь сускомо лангсо, ? тев таго арась. Колмоце пурнась ламо материалт, клукакс озась лангозост ? и малазонзо иля эце. Нилецетне кармасть пурнамо эрьва мень «тамашат», мень-бути пейдема валт и нень эйстэ арьсить сёрмадомо история.

Истямо историянть марто васов ай ардат. Сон курок сёрмадови, но седеяк курок стувтови, Крылов коли-бути истя мерсь:

«Писатель, берясь ты за работу,

Проверь свои мозги,

Не то, твои заботы и труды

Покажутся противнее Демьяновой ухи.»

Кой-кинень не валтнэнь стувтомс а эрявить.

Москов ГИЖ
1927 иесь

 
 
27.05.2018
 О стремительной деградации образования и не только
16.05.2018
 Тормозные колодки развития
13.05.2018
 ПИСЬМО ОТ УЧАСТНИКОВ ЭРЗЯНЬ КЕЛЕНЬ ЧИ
31.03.2018
  Размышления об извечном. Часть III
25.03.2018
  Размышления об извечном. Часть II

<<   июнь 2018    >>
Пн Вт Ср Чт Пт Сб Вс
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter