Инечидень икелень чи

Инечидень икелень чинть конатань лемдить Атянь ливамо чикс, эрьва кудосо панить пачалксеть ды канст –озкспалонь ярсамопельть, те чиденть икеле уштыть Атятнень алтазь баня, ков терьдсызь шлямо Покштятнень-Сэрдятнень.Атянь чистэнть лавсялангс каить ацамо, тодов , тодовонть лангс ванькс викшнезь нардамо, Покштятне _Сэрдятне оймсест нардаст кедест. Знярдо пачалксетне анокт,путылизь сынст Шумбракши ды чакш пуре марто морга лангс кирвастьсызь Атянь штатолонть , панжсызь кудо кенкшенть ды ортатнень. Соваст Сэрдятне. Кудазоравась саи кедезензе медьсэ ваднезь пачалксе ванозь кеншенте карми озолмасо тердеме кулозтнень оймест.


Инешкипаз! Вере Чипаз!
Чангодть! Паз Чангодть!
Эрзянь Покшт-Покштинеть,
Покштянь-Покшавинеть!
Сырк мерезе Покштинеть,
Матразь-оймазь киськиненк,
Раужо човаля модыненк.
Вана тердтядызь Озксов
Кши-салонок варчамо
Пурень-Брагань корштамо.
Ашо кедьсэ панинек
Шожча мельсэ пидинек.
Садо ваксозонок
Човоряводо юткозонок
Начтынк коське турвиненк,
Пештинк вачонь пекиненк,
Таньшкавтынк сэпей кургиненк.
Кинь лемезе кундави,
Кинь лемезе стувтови,
Илядо кежиявто,
Веси тынь-седейсэнек,
Веси тынь-минек верьсэ.
Минь тынк эйсэ лисинек,
Минь тыненк велявтано.
Садо, весе садо!
Илязт уле ве ендо ваныцят,
Иляст уле сельмень сявадыцят.
Пачкодезе, Молезе! Паз, Чангодть! Паз, Чангодть! Паз, Чангодть!


Совадо , минь тыненк ашо тарка ацынек улезе сон чевте, пурнынк веси раськенек, весемене саты, ярсадо каваняводо. Паз чангодть!


Омбоце чинть Инечистэ, кудазортне тердьсызь веси буест –раськест. Кучить эйкакш конась кудов совамсто мери « Пазчангодть! Тыненк Инечи, монень Инечинь ал, адядо, моледе пуре кудос пуреде симеме, Покштятнень-Сэрдятнень Лемест кундамо!»

 Састынкине веси пурнавить пуре кудос , нама эрьва раськетне саить мартост канст-каванямкат, Знярдо буень ломантне пурнавить анокставить карадо –каршо кавто моргат, озкспалонь-канстонь каванямкань маро, Вейке моргась Поштятнене, омбоцесь Покшаватнене, Озксветиесь кирвасьтсы эрий толсто Атянь-Буень штатолонь ды путсызь сонзе моргатнень юткс викшнезь нардамосо вельтявт лався лангс сонзе вакс путыть атянь шапка , козонь сыцятне каить ярмак ды навазь сараз алт ушодови озксось.

Тесе мердяно седее весчи озкстне ютавтовить чилисема енов ванозь. Озветийсь ушодсы озолманть раськетне евтыть сонзе мельга.


Инешкипаз! Веречи Паз! Чангодть ! Паз, Чангодть! Инешкипаз, Чангодть!
Чанстимизь Инешкипаз Инечистэ! Инечи азорава, кода шумбрасто –парсто
учовить тенек, истя шумбрасто –парсто ютак.

Минь тонеть ашо кеднесэ, шумбра-валдо мельнесэ, ванькс оймесэ Шумбра кши панинек,сал анокстынек


Инечи азорава! Вана теть покш чакш каша( озветийсь кепедьсы чакшонть верев) , зняро кашасонть ямкстнеде , зняро макст тенек эрьме.
Минь макстанок тонеть вейке кеднесэ, а тон миненек кавтосо.


Чачост касост сюронок, чачтыцят улест аванок, раштаст ракшанок,
Шумбрат превейть касост пакшанок, иляст уле вачо пекеть, уляст понго
Кажос –беряньс. Касозо-чачозо видевксенек, сатозо весемене! Паз Чангодть! Инешкипаз Чангодть!

Мейле евтави Покштятнене –Сэрдятнене алтавт озолмась.
Инешкипаз! Веречи Паз ! Чангодть ! Паз, Чангодть!
Эрзянь Покшт-Покштинеть, Покштянь-Покшавинеть!
Вана сась Инечись! Минь ярстано-симдяно.
Тыненкак сась Инечись! Тындяк ярсадо-симеде.
Вана тенк кши-сал, тынек лезекс улезе.
Вана тенк пуре- кургонь начтамкакс , тынек улезе.
Пачкодезе молезе –весемене лезе улезе.
( буень сехти сыре кулозенть лемезе евтави) Покштяй
тон сехти сыресь минек ютксо , пурныть веси буенек –раськенек,
веси сынст андыть ды симдить. Иляст уле ве ендо ваныцят,
сельмень сявадыцят.Вана тенк пижень –сиянь пуд( пеельсэ скирить сиянь –пижень ярмакт ды путсынзе атянь шапкантень). Паряк тенк сон маштови,
Паряк меленк топавтови. Покштят_Сэрдят нолдынк чумочинек , паряк авуль
Тынк койсэ-мельсэ мезияк теинек. Яла теке , тыненк пшкадтяно, валдо
Ойменк икеле энялдтано. Чанстимизь вадря-шумбра эрямос.

Чачост касост сюронок, раштаст ракшанок!
Шумбрат-превейть касост тяканок. Ванстадо эйсэнек эрьва кодамо
кажодо , зыяндо-цярахмандо, уледе ванстыцякс молемстэ, удомсто,
Стямсто, Ки лангов сыргамсто. Иляздян понго апапронь тевень теинде,
Душман ломаньне, сельмень сявадыцяне! Пачкодезе-молезе, кода энялдынек-пшкадинек тенк истя улезе! Паз Чангодть! Инешкипаз Чангодть!


Адядо раськеть-раськинеть , комавтсынек приненек , евтатано сюпринеть,
Инечинтень, Поктятнене-Сэрдятнене (сюконить васня Атянь штатолонть икеле, мейле эрьва моргань каршо)Инешкипаз, чангодть! Паз, чангодть!

Мейле веси раськетне озыть моргатнень перька ды каванявить аноксонть ды атянь пуресэнть.

 Истя Инечистэ ютави веси буесь раськесь. Чокше пурнавить мекев Озкскужонь кудонтень косо ушодовсь Инечинь Атянь пуре озксось, туить тувонь сывель конасто пидеви омбоце чистэнть кучемлянь капста ям.

 
 
27.05.2018
 О стремительной деградации образования и не только
16.05.2018
 Тормозные колодки развития
13.05.2018
 ПИСЬМО ОТ УЧАСТНИКОВ ЭРЗЯНЬ КЕЛЕНЬ ЧИ
31.03.2018
  Размышления об извечном. Часть III
25.03.2018
  Размышления об извечном. Часть II

<<   июнь 2018    >>
Пн Вт Ср Чт Пт Сб Вс
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter