ИНЕЧИ - ОЗКСТ ДЫ ЮТАВТОМАТ

Ава- те валось юр , эрзянь койсэ кирдийтнень лемдямосост, сайсынек ведь , сонзе кирдиенть лемдить кода Веденькирди, истя Ведьава(Ведь+ава). Авась, нись свал эрзянь раськенть мельежосонзо ульнесь шкинема мельванома тешксокс.


Ава буквально с эрзянского переводится как мать, женщина, женское начало. Символ созидания почитания . Практически всегда имена держателей стихий и стихиалий в эрзянском языке двухосновные Ведь –вода , Ведень+кирди( воды хозяин держатель) в большинстве же случаем эти держатели называются как Ведьава.

Авань поза-сон сови пазпалонь коинзамонь ярсамопелекс. Анокставови ниле чис Инечиденть икеле, куншкачинь чокшнестэ, се кудосонть косо ванставсь атянь штатолось, кавто ават сыргить буень аватнень ванды позань човурямо тердеме.

 Эрьва кудосонть сыцятнене максови вейке сараз ал. Калоньчистэ аватне пурнавить тердицятнень кудос, эрьвась туи почт ды солод. Ушодови позань теемась, кирвастеви штатолось ды сехти сыресь аватнесте пшкади истямо озолмас.

  Инешкипаз ! Веречипаз, Чангодть! Лездак тенек, улезе паро позанок, уцяскавсто ды шумбрачисэ ютазо иенек! Паз , Чангодть!

 Штатолсонть теи кавксо колот поза парень велькска.


Покш пачалгосо реставить исень чинть максозь алтне. Аватне пурнавить морганть икелев косо палы атянь штатолось , сехти сыресь эйстест ютавты а покшке озкске.

   Инешкипаз ! Веречипаз, Чангодть! Тон трицянок ванстыцянок, макст тенек Шумбрачи! Чачост касост сюронок, раштаст ракшанок, чачтыцят улест аванок, шумбрат-превейть касост пакшанок, покшолгадозо парочинек , улезе мейсэ ливамс Покштянок-Сэрдянок. Паз Чангодть! Инешкипаз! Чангодть

 Эрьва авась саи пеншсэ рестазь алтненде ды ливи кунды лемест кулозь Покштянзо. Кудазоравась каванясынзе веси пуромт аватнень мейле туить кудова, шлямочисэ кой-кона эздест сы лездамо брагань пидемстэ.


Таргочистэ од мазы оршамосо пурнавить веси озкужонь-буень аватне, туить мартост Шумбракшить-лувкшить, пачалксеть, панжакайть, ды артозь алт . Сынст веси путсызь коинзамонть морганте.

 Озавась теи эрий тол ды кирвасьсы Атянь буень штатолонть, конаньстэ эрьвейке авась сувтасы бень штатолонзо сынь веси аравтневить коинзамо морганть ланга озкспалтнень юткова. Мейле Озавась ды озкс сыцятне евтасызь Ине Озолманть ды Покштятнень ливамо Ине Озолманть.


Инешкипаз! Вере-Чипаз!
Тон, марицясь, кода тикше касы!
Тон, неицясь кода пеште панжи!
Неимизь, марямизь,
Сюконятяно пильгезеть,
Пшкадтяно валдо оймезеть.


Верев кепедьсынек кеденек,
Масторов нолдасынек сюкпрянок.
Ознотано эрицянок кис,
Ознотано раськенек кис,
Ознотано эйденек кис,
Паксясо видезенть кис,
Кардазсо ракшанок кис.


Инешкипаз!Макст тенек
Сэтьме лембе пиземеть,
Чачост-касост сюронок,
Касост-кепедевест тяканок,
Раштыцят, улест аванок,
Макст Масторонтень ладямо,
Вейкень-вейкеь вечкема,
Лисьмакс парот лисезэ,
Леекс эрьметь чудезе.


Кенкшпряваяк совазо,
Кеншалгаяк ютазо.
Минь Тонеть- Шумбракши!
Тон миненек –шумбрачи!
Ванстомизь, идемизь

Ятонь ломанде, ормадо-тармодо,
Апародо-зыяндо,
Даволдо-цярахмандо.
Вана пидинек ашо кеднесэ,
Вана панинек шожча мельнесэ,
Зяро кашасонть ямкстнеде,

Зняро макст эрьвантень ули паро.
Инешкипаз !Чангодть! Паз Чангодть! Паз Чангодть!


Знярдо озолматне евтавить аватне каванить вейкест –вейкест коинзамо озкспалсо ды авань позасо (брагасо), кундыть Покштяст лемест.

 Мейле Атянь штатолонть марто озныцятне келейстэ панжсызь кудонь кенкшнень ды ортатнень ды серьгедьсызь куринкасо учиця од аватнень ды эйкакшнень кудов. Од Аватне, арыть кавто енга ортанть ды сюконить сыретнене . Знярдо совить кудов Озавась ютазь иесте лисезь мирдене аватнень тердьсынзе коинзамо морганть икелев ды эрьбасо колмоксть вачкодьсы од аванть кутьмерь ланга ды мери –« Алыяк! Алыяк!».

 Од авась тарги земстензе пидезь артозь сараз ал  ды путсы морганть лангс. Тензе кандыть брага ды нолдасызь ушов. Косо анокставозь эземнень лангс ливтить озкс палт ды веси од аватне экакшне каванявить.                         Моравить коень морот, пазморот, ютавтовить раськень налксемат.

 Од аватнень туевть алтне сеске керсевить ды явшевить сыре аватнене конатне сынст сэвсызь ды арсить од аватнене ламо шумбра –превей эйкакшт, Пазчангодт ды шумбрачи.

Эрьва велесэнть пурнавить истят 4-5 озкскужот, конатнене совсить 10-40 кудот. Эрьва озкскужонь аватне киштезь-моразь якить инжекс вейкест-вейкест туртов , икеле ардыть «алашасо) палмань коната мазылгавтозь викшнезь нардамосо ды палманенть прясо чувтосто керязь алашань пря , те палманень лангс озы наян ава ды моразь киштезь куринкатнева иго-гокснезь озкскужотне каванить векест вейкест. Ламо кигштемат морамот, нурька морынеть, велесь жой моли моли кенярьксчи покшчи.

 Омбоце чистэ ( атянь чистэ) веси таго , од аватнеде башка пурнавильть озкскужотнева, ютавтови озкс , озкспалсо каванямка, чокшне Атянь штатолонть тапарясызь коинзамо викшнезь нардамо потс ды сундерьгадозь соватсызь шабра кудос коната совси те озкскужонтень, косо сон ванстови сы иес.

 Икелев молить колмо ават . конатнень кедьсэ чувтосто керязь мандот конатнене понгавтозь баягинеть , ды эрьва тюсонь лентат. Мейле мельгаст (алашасо) таго колмо ават ласте палмань лангсо, мельгаст азоравасьАтянь штатолонть марто конань кудос ванставомо кандови Атянь штатолось, мартонзо шумбракши, поза марто ютазь Покшчинь азоравась. Атянь штатолонь ванстамо кудазортне вастыть ды каванить коень ютавтыця аватнень. Мейле Пазчангонь ды паронь арсезь озкскужонь ломатне туить эсь кудоваст.

 
 
27.05.2018
 О стремительной деградации образования и не только
16.05.2018
 Тормозные колодки развития
13.05.2018
 ПИСЬМО ОТ УЧАСТНИКОВ ЭРЗЯНЬ КЕЛЕНЬ ЧИ
31.03.2018
  Размышления об извечном. Часть III
25.03.2018
  Размышления об извечном. Часть II

<<   июнь 2018    >>
Пн Вт Ср Чт Пт Сб Вс
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter