Доклад с III-го Конгресса эрзянского народа Терюшань Сергу. На эрзянском языке

                 Эрзянь раськень  III-це Инекужось    

  
                             МЕЛЬПАЧТЯМО

 


III-це Инекужонь Анокстамо куронь прявтонть Терюшань Сергу


ТЕЧИНЬ ЭРЗЯНЬ РАСЬКЕНЬ ЭРЯМОНЬ ТЕВТНЕ ДЫ АРСЕМАТНЕ. КОДА РАСЬКЕНТЬ  ДЫ ЭРЗЯНЬ КОЙТНЕНЬ ВЕЛЬМЕВТЕМС.

Паро чи, эрзят, ялгат, инжеть!


Течи минь нолдазь прясо кортатано: эрзянь раськесь теевсь аэрявиця ломанекс эсензэ раськемасторсо, конась  комсь тежань пингестэ  ульнесь теезь эрзянь ды мокшонь Раськемасторокс. Тевесь лиссь истя, миненек, таго эзть максо  ютавтомс эрзянь Инекужонть  Мордовиясо, конась те шкас кадовсь конёвлангсо  эрзянь Раськемасторокс.

 

 Минь эзинек тандадо, ды  тевенть эзинек лоткавто. Минек эрзянь Инекужось таго пурнави  аволь  Саранскойсэ, -  Лугояновань модалангсо, минек кезэрень Эрзянь Масторсо.

 Пазтнэ тешкстызь Тешань-Окань-Равонь лей чиретнень. Сынь - эрзянь кезэрень куншка таркамок, тестэ лиссь  эрзянь мазычись, тестэ сон срадсь Эрзянь Масторонь перть-пельга.

 Кода ёвтни "Масторава" эрзянь эпосось: те таркасонть Инешкипазось теизе ломаненть ды лемдизе  сонзэ "Эрзя" ды ульнесь те эрзянь раськенть чачома шкась.


Те чистэнть минь пурнавинек Эрзянь Масторонь мода лангсо эрзянь раськенть стакадояк стака шкасто. Таго куломо, таго одов чачомо, те шкась ладясь вейс Росиянь экономикань зыянтнэнь марто. Весе  минь  ультянок  историянь поладыцякс, минденек карми молеме, кодамо ули раськень олячинь лувось  Раськемасторсонок.


Эрзянь раськесь сравтозь Россиянь келес. Те сравтовозь эрямось максы  миненек берянь тевть, пири эйсэнек, а максы идемс олячинть ды эрзянь койтнень - кирдатнень. Тезэнь кочказь эрзятненень, эзь маряво стакакс васоло кись. Минь сынек тей арсеме: кода идемс эсенек раськенек зыяндо, конась комсь вейке пингестэ  вети эрзятнень куловтомо, келень ды коень изнямо, лувтнэнь коламо.

 

 

 


 Пурнавсть ломантне  Мордовиянь прявтокс, невтить пряст "Мордвакс", апак кевкстне куродызь те лементь алов  кавто аволь вейкеть раськетнень, те аламо тенст, -  пурныть сермадомс рузтнэнь мордвакс. Эсест валсо ды тевсэ мордватне невтить пряст превейде превейкс. Эрзятнень жо - чаво раськекс, сынь апак визде кортыть: "Эрзя - субэтнос, эрзянь келесь  - диалект.


Мордовиянь Прявтонть Госпромксонтень  Кучомасонзо ульнесь пшкадезь вейке келень теемадо. Тевконёвсонть  Мордовиянь Прявтось тейсь раськемасторонь Тевкуро  вейке келень теемадо.

 Мордовиянь "превей ломантне" ютавтыть промкст, косо эрить ламо эрзят ды мокшот. Путыть тосо ломантнень превс эсест мордвань мелест, эрзянь  раськесь Мордва, мерить эрзятнеде  субэтнос (пель народ), конатне стить раськекс, кода пряст велявтсызь мордвакс.

 Те шкане  эрзянь раськенть мель а кевкстнить, сыненст сон а эряви.

 

Мордовиянь  прявттнэ мордвакс теить од пингень эрзятнень, конатне аздасызь эрзянь кезэрень шкатнень. Истямо зыянось лиссь умок ды ней Мордовиянь прявттнэ весе од ломантнень манчить.


Эрзянь раськесь а содасазо эрзянь историянть, те максы видестэ  манчемс  ды човорямс ломантнень мелест, теить истят кортнемат: "Мордва" - те эрзя, те шкасто ёвтнить, истя, эрзядо  таго сон "мордва" сёрмадсь Рубук ды Карпини и ламо лият сёрмадыцят.

 Мон тыненк мерян истя: весе сёрмадозь ёвкстнэ, чисовамоёнксонь ёвтницятнень 6-17 пингень невтезь  Н.Мокшинэнь "Мордва" книгасо, ды лия  важодемань сёрмадозьконевсо авуль эрзядо.


Весе умок содыть:  "Мордвин", "Мордовка" валтнэде эрзятне виздить, (минек кельсэнек истямо вал араськак), сон а вечкеви ды те травамкадонть эрзятне кекшить, невтить пря рузокс, тень коряс эрзятне ютазь комсь иестэ ёмавтсть  300 тежат эрзянь ломанть.

 

Эрзянь келенть яжасть, яжить  ды теить эйстэдензэ сюва,  а эрявиця кель, ванодо, мезе теде лиссь:


1) Сыре эрзянь пингесь (поколениясь) - ламо кортыть  эрзянь кельсэ. Эйдест ды нуцькаст марто - рузокс.


2) Куншка пингесь - чарькоди эрзянь келенть, но корты ды касты эйдеть рузонь кельсэ.


3)Од пингесь - пек ламо а чарькодить  тиринь келенть, кортыть рузокс.

 

 


4) Вишка пингесь - 15 иес - а соды ды а чарькоди эрзянь келенть, корты рузокс.


Эрзятнень эрямонь таркава (диаспорасо) арасть вишка эйдень аштема-кудот, васень  ды куншка тонавтома кудот, косо тонавтыть эрзянь кельсэ. Арасть эрзянь кельсэ радио ды телевещания.

 Покш зыян эрзятненень теи  велетнева  тонавтомо-кудотнень(школатнень) пекстамось, косо аламо тонавтницят.

 

Ярмактне, конатнень эряви максомс  эрзянь келень вельмевтемас,  ёмавлить идемевсень вейке кельс ды  "мордвань" киштемас-морамос, истямо тевсэ мадстить эрзятнень удомас, конасто зярдояк  а сыргозтянок.

 

 А ютан ваксска   "Мордвань" раськенть ветеце промксонть кувалт, конась ютавтови  те иестэ сёксня ды сон видьстэ токши ды калавты эрзянь келенть.


В решении расширенного заседания Межрегионального Совета общественного движения мордовского (мокшанского и эрзянского) народа (протокол  6 от 18 сентября 2008г.) установлена следующая норма представительства: один делегат от 3 тыс. человек мордовской национальности как в Республике Мордовия, так и в субъектах Российской Федерации с компактным проживанием мордвы".


Неть валтнэсэ колави РФ-нь 26ст. 1 пельксэсь: "Никто не может быть принужден к определению и указанию своей НАЦИОНАЛЬНОСТИ". Тень пингстэ колавить 282 делегаттнэнь праваст, конатнень кармавтызь лемдямс эсь пряст "мордвакс".


Легитимен ли будет такой "мордовский" съезд представлять ЭРЗЯНСКИЙ народ? Может ли "мордовский" съезд принимать решения, касающиеся настоящего и будущего ЭРЗЯ народа, особенно, его Души - эрзянского языка?


Чатьмонемась ды мезеяк а теемась ёмавтсынзе минек олячинть.

 

 Сась шка, зярдо ломантенень эряви содамс тиринь историянть, культуранть, кезэрень шкасто минек покштятнень-бабатнень валдо тевест.

 

 Ванномс факттнэнь лангс, кочкамс виде ки, ванстомс культуранть, этносонть. А эряви весементь стувтомс, ёмавтомс, чалгсемс.

Те истя жо, кода стувтомс тиринь тетят-ават. Берянесь велявты мекев, эсенек жо эйкакштнэнь пельде.

 

 

 

Секскак, эрявить тешкстамс васенце пряс путовкстнэнь:


1. Вельмевтемс кезерень пингень леменек – ЭРЗЯ


2. Тонавтомс, вешнемс ды   латемс Эрзянь Раськенть бувалань шканзо


3.   Парсте кастамс эйдетнень, эрзянь кельсэ ды эрзянь мельсэ


4.   Панжомс эрзянь тонавтомо кудот


5.   Панжомс эрзянь Аштема-кудот


6.   Панжомс театрат, литературнойть обществат


7.   Теемс эрзянь СМИ: газетат, телевидения, радио, журналт


8.  Вельмевтемс эрзянь койтнень


 III-це эрзянь Инекужосо миненек эряви арсемс ды муемс кинть, кува седе тов молемс:


1. Ванстомс минек тиринь эрзянь келенть, а максомс сонзэ чалгсемс мордовской экстремистнэнень, пшкадемс РФ-нь прокуратурав.


2. Ёвтамс каршо мель "мордовской народонь" 5-це съездэнть коряс, конась колы эрзятнень Конституционой оля чинть.


3.Правительстванть пельде мельсэ кирдемс РФ-нь Конституциянт:


26ст., конасо мереви тешкстамс эсь национальностеть - "эрзя" ды мереви кортамс тиринь кельсэ.


29ст., конасонть а мереви социальной, расовой, религиянь, национальной ды келень превосходсватнень пропагандась.


   Тень марто:


- лоткамс лемдямс эрзятнень субэтносокс;


- лоткамс лемдямс эрзянь келенть аэриця мордовской келень диалектэкс;


- а нолдамс тевс неть формулировкатнень научной важодематнесэ ды ВУЗ-со тонавтомасо;


- саты шнамс ЕМЯ келенть, кона арась ды а ули.

Эрзят, тевесь топавтови, зярдо минь весе вейсэ идесынек келенть, лувонть, ойменть -  конась ули эрьва раськенть.


Ине тевенть эряви топавтомс, тесэ ды течи!


 (на русском языке)

ДОКЛАД Председателя оргкомитета по проведению 3- го Инекужо Терюшань Сергу

            
 
 
27.05.2018
 О стремительной деградации образования и не только
16.05.2018
 Тормозные колодки развития
13.05.2018
 ПИСЬМО ОТ УЧАСТНИКОВ ЭРЗЯНЬ КЕЛЕНЬ ЧИ
31.03.2018
  Размышления об извечном. Часть III
25.03.2018
  Размышления об извечном. Часть II

<<   июнь 2018    >>
Пн Вт Ср Чт Пт Сб Вс
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter