Атянь Озкс-Покштянь-Сэрдянь ливамо озкс

 


Атя-сыре ломань, коень , илань содыця, сеедесте атя валось ульнесь валполадкс кирдийнень лемдямосо (Кельмеатя, Ведьатя)
Буквально старец наделенный багажом жизненного опыта, часто это слово является вторым корнем сложных слов обозначающих названия держателей (Кельмеатя-держатель холода и т.д.) так же символизирует мужское начало.

 Атянь Озкс-Покштянь-Сэрдянь ливамо озкс, иезензе сон ютавтневи колмоксть, Инечистэ, мейле велень кенярьксчитнень ютавтомадо мейле, ды сексня знярдо видевить озимтне.Сон весень велень Озкс.


Веленьэрийтне пурныть ярмак, ракшань аноксок рамамга, медень брагань-пурень теемга ды седи тов. Ютавневи сон Ознома вирьсе, Репештясо, Ознома лей чиресэ, Ознома пандо прясо-сеть таркатнесэ косо ютавтневить всвалшкань Велень-сядонь озкстне.(эрьва ванькс эрзянь веленть улить истят иньванькс тарканзо, седи ламо эстест Равонть томбале, косо седи домкасто ванставсть эрзянь койтне, ды ютавтневить неень шкастояк кой-кона озкстне).


Рамавт ракшась аноксось( бука, кавто реветь), валске ланга моразь ютавтовиль веленть кувалт , сонзе пряс путыльть куконь-цецянь каштазт, кирьгазонзо сюлмить парьсей ведьметь, викшнезь нардамот, анокс ракшась ветяви озкскужонь анокс кевенть малас.

Озатясь теи эрий тол ды кирвастьсы толбандянть, мейле толбандястонь чевсэ кирвасьтсы Буень Атянь Штатолонть, аоноксок ракшатнень ланга каить лисьмапря ведь, соракады деряй аноксокс азозь ракшась те паро тешкс верде, аноксось тусь мельс кирдийтне. Буканть, реветнень, печемадост мейле верест нолдави озксанокс кевень алов, чувить кевенть ундоксос варя ды веренть нолдамодо мейле сонзо пекстасыз-почодсызь ашо човарсо.

Озксов сыця ломатне эрьвейкесь туи мартонзо озкспал-ярсамопель, прякат. Алт кода пидезь истя рестазь, брага-пуре, поза, нама Шумбра –лувкши, ды буень штатолт.Те веси путови ацазь озксруцясо озкс морганть-ствуронть ланга, озксчувтнень, озкспалмантнень ало. Озксонть ветить кавто Озксатят, сыресь кирди яндавасо Буень Атянь Штатолонь, веси озныцятне велявтсызь чамачачост чилисема енов озыть куманжа лангс ушодови озксос, Озатятне стядо евтыть васняяк Ине Озолманть, мельгаст озолмантнень евтыть веси пуромозтне.


Инешкипаз! Вере-Чипаз!
Тон, марицясь, кода тикше касы!

Тон, неицясь кода пеште панжи!

Неимизь, марямизь,
Сюконятяно пильгезеть,
Пшкадтяно валдо оймезеть.
Верев кепедьсынек кеденек,
Масторов нолдасынек сюкпрянок.
Ознотано эрицянок кис,
Ознотано раськенек кис,
Ознотано эйденек кис,
Паксясо видезенть кис,
Кардазсо ракшанок кис.
Инешкипаз!Макст тенек
Сэтьме лембе пиземеть,
Чачост-касост сюронок,
Касост-кепедевест тяканок,
Раштыцят, улест аванок,
Макст Масторонтень ладямо,
Вейкень-вейкеь вечкема,
Лисьмакс парот лисезэ,
Леекс эрьметь чудезе.
Кенкшпряваяк совазо,
Кеншалгаяк ютазо.
Минь Тонеть- Шумбракши!
Тон миненек –Шумбрачи!
Ванстомизь, идемизь

Ятонь ломанде, ормадо-тармодо,
Апародо-зыяндо,
Даволдо-цярахмандо.
Вана пидинек ашо кеднесэ,
Вана панинек шожча мельнесэ,
Зяро кашасонть ямкстнеде,
Зняро макст эрьвантень ули паро.
Инешкипаз !Чангодть! Паз Чангодть! Паз Чангодть!


Веси озныцятне сюконить колмоксть модамосторос ды мерить:
Паз, Чангодть! Инешкипаз, чангодть! Паз, чангодть!
Озатясь серьгеди- :Эрьга ! Оят-раськеть ,Покштянок-Сэрдянок ливасынек, лемест кундасынек.
Евтави Покштянь-Сэрдянь ливамо Ине Озолмась.

Инешкипаз! Вере Чипаз!
Чангодть! Паз Чангодть!
Эрзянь Покшт-Покштинеть,
Покштянь-Покшавинеть!
Сырк мерезе Покштинеть,
Матразь-оймазь киськиненк,
Раужо човаля модыненк.
Вана тердтядызь Озксов
Кши-салонок варчамо
Пурень-Брагань корштамо.
Ашо кедьсэ панинек
Шожча мельсэ пидинек.
Садо ваксозонок
Човоряводо юткозонок
Начтынк коське турвиненк,
Пештинк вачонь пекиненк,
Таньшкавтынк сэпей кургиненк.
Кинь лемезе кундави,
Кинь лемезе стувтови,
Илядо кежиявто,
Веси тынь-седейсэнек,
Веси тынь-минек верьсэ.
Минь тынк эйсэ лисинек,
Минь тыненк велявтано.
Садо, весе садо!
Илязт уле ве ендо ваныцят,
Иляст уле сельмень сявадыцят.
Пачкодезе, Молезе! Паз, Чангодть!

Паз, Чангодть! Паз, Чангодть!


Эрьвейкесь озномстонзо кунды-ливи Сэрдянзо лемест. Терди озксонь кужов, вейсэ-ярсамо.


Озатятне Штатолонть марто ютыть ды чанстить аноксокс алтазь ярсамопельтнень озкспалморганть-стуворонь лангсо.Ютавтыть кавксо колот Пазонь Штатолсонть Эрьва Шумбракшинть велькска ды мерить : -«Паз,чангодть! Куватьсы учиде , саинк паро мельсэ»


Керить пеельсе ды путыль чакшос Шумбракши пелькс, кедьсест чакшссо медьарво ды брага, озкс пурнавозтне вейкень –вейкень молить Озатятнене конатат максыть пеншсэ медьарво, Шумбракшы пелькс, ды копордавтыть брагадо.Те озксонтень эрьвейке ломанесь арты, сермады кода тешксо истя сермадовксо, конев, коцт, керь лангс мелест-энялдомаст конатнень мейле каясызь озкстолбандянтень ды мерить:-«Паз, чангодть! Пачкодезе-молезе, энялгсонок- озксонок топодезе. Паз, чангодть!»

 
 
27.05.2018
 О стремительной деградации образования и не только
16.05.2018
 Тормозные колодки развития
13.05.2018
 ПИСЬМО ОТ УЧАСТНИКОВ ЭРЗЯНЬ КЕЛЕНЬ ЧИ
31.03.2018
  Размышления об извечном. Часть III
25.03.2018
  Размышления об извечном. Часть II

<<   июнь 2018    >>
Пн Вт Ср Чт Пт Сб Вс
 
 
 
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 


Эрзянь ки. Культурно-образовательный портал. 2008

Литературный сайт Эрзиана  Аштема-Кудо, эрзянский форум    Меряния - Мерянь Мастор  


Flag Counter